طريقة عمل البسبوسة – بطريقة Fatma Badawi
المقادير:
١-كوبيتين دقيق سميد
٢-معلقتين كبار سمنه
٣-معلقتين جوز هند
٤-نص معلقه صغيره بيكنج بودر
٥-معلقتين كبار عسل نحل
٦-تلتين كبايه لبن
٧-تلتين كبايه سكر
الطريقه:
بدهن صنيه (متوسطه) سمنه و اشغل الفرن ع حراره عاليه .
ف بوله بحط السميد و عليه السمنه و اقلبهم كويس لحد ما تتغلف كل السميد بالسمنه .
ف بوله تانيه بحط كل المكونات الباقيه و اقلبهم كويس و بعدين أحطهم ع السميد و يدوبك اقلبهم تقليبه بسيطه .
بحط الخليط و اساويه ف الصنيه و ع الوش مكسرات و احطها ف الفرن حوالي نص ساعه و اسيبها تاخد اللون اللي بحبه .
في الوقت ده اجهز الشربات:
كوبيتين سكر مع كوبيتين ونص مياه و نص ليمونه
اسبهم علي النار لغايه ما السكر يدوب و بعدين احط رشه فانيلا و معلقتين سمنه و ياخدو غلوه و اطفي النار .
ملحوظه مهمه جداً
لازم البسبوسه تتسقي بشربات سخن بمعني اخرجها من الفرن ويكون الشربات علي النار
و اول ما خرجت البسبوسه سقيتها كل الشربات معادا حبه صغيرين سيبتهم و غطيتها و حطيتها ف الفرن بعد ما قفلته و بعدين سيبتها لحد ما بردت و سقيتها باقي حبه الشربات.
التعليقات متوقفه