طريقة عمل كيكة ليالي لبنان – جاتوه بالمستكة و مياه الورد بطريقة Aya Ahmed
المقادير:
٣ او ٤ فصوص مستكه او حسب الرغبه
كيلو لبن
كوب سميد ناعم
تلت كوبايه سكر
معلقه كبيره مياه ورد
الوش :
كوبايه كريم شانتيه باودر
كوبايه لبن بارد
قشطه
شربات
انا عملت هنا شربات مكرمل هقولكم طريقته ف اخر البوست
الطريقه:
ندوب المستكه علي النار
ونكون مقلبين ع البارد اللبن والسكر والسميد ونضيفهم للمستكه
نفضل نقلب كاننا بنعمل مهلبيه عادي
لما اللبن يسخن هتجمد
نرفعها من ع النار ونضيف ميا الورد
ونقلب كويس ونصبها ف بايركس أو صينيه من اللي بتتفتح أو اطباق عادي زي المهلبية
ونسيبها تبرد ف التلاجه كام ساعه وبعدين نحطلها الوش
الوش :
كريم شانتيه عادي ونضيف عليه قشطه
وتتحط علي الوش شربات بارد
الشربات المكرمل اللي قولت عليه ف الاول
سبع معالق سكر اول ما يتكرملو ويدوبو علي نار متوسطه
نضيف كوبايه ميا بس ناخد بالنا م البخار اللي هيطلع
ونضيف كوبايه سكر
واول ما يغلو
نحط معلقه عسل نحل او نص لمونه ونسيبه يتقل
ولما بيبرد بيتقل اكتر
ونحطه علي الوش
الاصل ف الطريقة ان علي الوش كمان قبل الشربات بنحط فسدق حلبي بس مكانش عندي ممكن تحطو انتو اي حاجه علي ذوقكو
التعليقات متوقفه