طريقة عمل بتر كوكيز و بسكويت الزبدة

323

بتر كوكيز بسكويت الزبدة
طبعا المدارس قربت والاولاد الصغيرة بتحب بسكويت الزبدة و سهل تعملى و ياخدوا معاهم جميل جدا.

المقادير:

  • نص كيلو دقيق
  • 300 جرام زبدة ساقعه
  • 2 بيضه بدرجه حرارة المطبخ
  • كوب سكر بودر ( يعنى 175 جرام سكر )
  • رشه ملح
  • معلقه بيكينج بودر

الطريقه:

نضرب الزبدة و هى ساقعه من الثلاجه لغايت ما تبقي كريمي زى الصورة و نضيف السكر البودرة و نضرب تانى, بعدين نضيف بيضه ونخلط و البيضه التانيه و نضرب مع الفانليا و نضيف الدقيق على المكونات بعد طبعا ماضفنا ليه رشه الملح و البيكينج بودر.

نلم المكونات كويس هتبقي طريه ولينه و بلاش عجن كتير و نغطيها و ندخلها الثلاجه ساعه علشان تشد و نقدر نشتغل بيها.

نبدأ بقي اول حاجه نجيب ورق زبدة او فويل نفردة و نحط جزء من العجينه و عليه طبقه تانى من الفويل او ورق زبدة و بالنشابه نفرد العجينه, و نبدأ نشكل اى اشكال براحتكم و نضيف بقي جوز هند مبشور على الوش, او سكر مجروش او شوكلت شيبس او زبيب.

بعد ما نشكلها و هى على ورق الفويل ندخلها الثلاجه تانى تمسك حوالى ١٠ دقايق دة بيخليها متماسكه و ناشفه لان نسبه الزبدة عاليه هتتماسك و تقدروا تشيلوها بسهوله من الفويل تترص فى الصنيه وعلى الفرن 180 لمدة 10 الى 12 دقيقه.

التعليقات متوقفه