طريقة عمل السينابون

382

المقادير:

٣ كوبايات دقيق
٣ معالق كبيره مايونيز
٣ معالق كبيره لبن بودره
كوبايتين صغيرين زبادي
٣ معالق صغيره خميره
٣ معالق صغيره سكر
رشة ملح
معلقه ونص صغيرين بيكنج باودر
ربع كوباية ماء دافي

الطريقة:

اول حاجه ندوب الخميره والسكر في الماء الدافي عشان نتاكد من ان الخميره كويسه معانا
بعدين نحط الملح والبيكنج باودر واللبن البودره على الدقيق ونقلبهم سوا
ونضيف عليهم المايونيز والزبادي والخميره اللي دوبناها في ميه وسكر
ونعجنها كويس اوي
نسخن الفرن ونطفيه ونحط العجينه فيه ونسيبها تخمر لمدة نص ساعه
وبعد م تخمر كويس نرش الرخامه دقيق ونفرد العجينه بالنشابه مستطيل
ندهنها زبده (٣ معالق كبار زبده)
ونرش سكر بني (نص كوبايه) ولو معندناش ممكن سكر ابيض عادي وعليه معلقة عسل اسود
ونرش القرفه (معلقتين كبار)
نلف العجينه بعد م رشينا السكر والقرفه رول ونقطعها ونسيبها تخمر في الصينيه تاني
وبعدين نسويها ع درجة حراره ٢٠٠
الصوص الابيض

كوباية سكر بودره
كوباية لبن بودره
٣ معالق كبار زبده
٣ مكعبات جبنه
ربع كوباية ميه دافيه
كلهم سوا في الخلاط

والكراميل جاهز وانا مسيحاه بس

التعليقات متوقفه