طريقة عمل الجمبري المقلي و رز ريزو بالجمبري

طريقة عمل جمبري مقلي ورز ريزو بالجمبري

864

جمبرى مقلى مقرمش زى المطاعم بالظبط وجمبرى بالزبده والليمون والتوم تحفه جدا
ورز ريزو بالجمبرى
وشوربه جمبرى

الطريقه :

الجمبرى المقرمش

بتجيبى كوبايه دقيق وتحطيها ف طبق وحطى عليها حبه بابريكا وحبه كارى وحبه كركم وحبه كمون وحبه فلفل اسود وملح ومسطره وحبه بصل بودر وحبه توم بودر ⁦
وتقلبى كلوا ف بعضوا وتجيبى كوبايه ميه وتحطى ع الخليط حبه حبه لحد ما يعمل عجينه سمكها مش خفيف ومش تقيل بحيث تمسك ع الجمبرى وتسيبيه شويه كدا وبعدين تجيبى دقيق ف طبق تانى وتحطى الجمبرى فيه وتقلبيه وترجعى تحطيه ف العجينه وبعدين الدقيق وبعدين تحطيه ف زيت غزير وتقليه يدوبك ياخد لون من الناحيتين وتشيليه عالطول الجمبرى مش بياخد سوا خالص

الجمبرى اللى بالزبده والليمون والتوم والبقدونس

بتقشرى توم كتير وتعصرى ليمون كتير ودا بيتحدد ع حسب هتعملى كميه اد ايه وكدا وبتقشرى الجمبرى وتسيبى ديلوا بس وبعدين تجيبى طاسه وتحطى فيها حبه زيت اول ما الطاسه تسخن تحطى الجمبرى وتقلبيه من الناحيتين اول ما يغير لونوا تقومى حاطه عليه التوم وتقلبى شويه و بعدين لمون وكام مكعب زبده كدا وتقلبى شويه واول ما يستوى تطفى عليه وتحطى حبه بقدونس متقطعين صغير وبس

شوربة الجمبري

بتجيبى بصله وتقطعيها حتت صغننه خالص وتجيبى جزرايه وتقطعيها حتت صغيره بردوا وتجيبى حله تحطى فيها مكعب زبده وحبه زيت وبعدين تحطى البصل والجزر وتفضلى تقلبى لحد ما يدبلو وتقومى حاطه مكعب مرقه دجاج وتقلبى شويه وبعدين تحطى معلقتين دقيق وتقلبى وبعدين حبه لبن وكريمه طبخ ودا طبعا ع حسب انتى عاوزه سمك الشوربه تقيل ولا خفيف بتضيفى براحتك وبس وتركنيهم ع جنب وتجيبى حله تحطى فيها قشر الجمبرى والرأس بتاعتواوميه وتسيبيهم مع نفسهم ياخدوا كام غلوه كدا وبعدين تشيلى الجمبرى وتحطى الشوربه ع الحله اللى الاولانيه وتقلبى وبس وهتاكلى أحلى شوربه جمبرى تاكلى صوابعك وراها

الرز الريزو بالجمبرى بقى

أول حاجه بجيب حله واحط فيها حبه زيت ومكعب زبده وبعدين احط الرز واقلب واحط عليه حبه كارى وحبه كركم واقلب واحط ملح واقلب وبعدين ازيدوا شوربه من بتاعه الجمبرى وبعدين اسيبوا يستوى مع نفسى وبعد ما يستوى واطفى عليه احط فيه حبه جمبرى متقطعين واقلب وبس هو هيستوى من السخونيه وبس كدا

التعليقات متوقفه