طريقة عمل عجينة الفطائر و الميني بيتزا
العجينه دى بجد رهيبه يا جماعه للمعجنات و الفطائر والمني بيتزا تقدري تحشيها اى حاجه و الاولاد تاخدها فى المدرسه, مرفق صور لشكل العجينه و الخميرة و الأشكال الى عملتها .
المقادير
- 2 ونص كوب دقيق
- 1 علبه زبادي
- ملعقه خميره فوريه
- ملعقه بيكنج بودر
- ربع كوب زيت و ممكن زيت على زبدة
- نصف كوب حليب دافئ ومش سخن
- ٢ معلقه لبن بودرة ودى اختياري
- رشه ملح
- معلقه سكر
الطريقه الاولي:
نحط الخميرة مع الحليب و السكر تخمر
بعدين الدقيق نضيف ليه البيكينج بودر و الزيت و البن البودر و رشه الملح و الزبادي و نضيف الخميرة عليه بعد ما تنشط و نعجن كل المكونات و نغطيها و نسبها تخمر
بعدين نشكلها و نحط الحشوات جبنه او مربي او قطع شكولاته او سبانخ او شاورما لحم او دجاج بعدين ندهن الوجه بنجيب معلقه لبن بودرة و ندوبها فى مايه صغيرة يكون قوامها تقيل ندهن بيها العجين
طبعا الى حابب يدهن بيض و عليه مايه او نسكافيه براحته بس بحسه زفر اللبن البودرة افضل و نحط سمسم او حبه البركه
تقدروا بعد ما تهدا خالص تغلفوها و تتشال فى الفريزر بتفضل كانها لسه مخبوزة .
Moga Mohamed
التعليقات متوقفه