طريقة برجر في البيت – بطريقة Fatma Badawi
انا عرضت قبل كده طريقتي لعمل البرجر في البيت بس بعد تجارب الطريقه دي افضل بكتير وزي طعم اكبر المحلات
المكونات:
- لحمه فيها نسبه دهون
- ملح وفلفل
- بودره بصل
و هي دي مكونات البرجر الأمريكي الأصلي, ولا تضيفي بقسماط ولا فول صويا ولا بصل
هيقلب معاكي كفته او اي حاجه تانيه غير البرجر.
الطريقه:
بعد اضافه الملح والفلفل والبصل البودر للحمه بقلبهم كويس مع بعض وبعدين ابتدي اشكلهم واخدهم في طاسه او جريل مدهون علي النار
اول ماتسخن اضيف البرجر و أفضل اقلب فيه لغايه ما اوصل للون المطلوب, بعد كده بشيله واحط مكانه العيش يتحمر في نفس الجريل
اهم حاجه التسويه الصح والعيش الطازه والصوص والأضافات(خس -طماطم- خيار مخلل-بصل -جبنه)
ملحوظه:
طريقه تخليل الخيار في البيت سهله جداً
بتجيبي خيار مغسول صحيح بالحجم الي بتفضليه بس كل مايكون رفيع بيبقي احسن في التقطيع وبيتخلل بسرعه
ونحطه في وعاء ونغمره بمحلول نصه خل ونصه مايه مغليه وملح وشطه وتوم مقطع وكرفس
ونقفل عليه بإحكام
وممكن استخدمه بعد ١٢ساعه
التعليقات متوقفه