وصفات دايت – طريقة عمل سلطة السيزر

854

الناس اللي عايزة تبدأ دايت و زهقت من الاكل التقليدي..
طريقة سهلة و بسيطة و بتشبع جدا

المكونات :

بانيه العدد حسب الافراد لو شخص واحد كفايه من قطعتين ل ٣ قطع
و مشروم متقطع (اختياري لو مش موجود او مش بتحبوه مش لازم)
معلقه صغيرة مايونيز و ممكن معلقه صغيرة مسترده
كابوتشي (نص واحده متقطعة لو لفرد واحد)


الطريقة :

هنشوح البانيه الاول في حلة تيفال بمعلقة زيت زيتون و نضيف الفلفل الاسود و البهارات و معلقه توم مفروم اول ما يدبل ننزل بالمشروم و نضيف معلقه صغيرة خل بتدي طعم تحفه و نسبهم يستوا ١٠ دقايق..
نجيب بوله كبيرة و نحط الكابوتشي المتقطعة و المشروم و البانيه اللي سويناهم سوا و نضيف معلقه مايونيز و شويه خل او ليمون صغيرين و لو حابين ممكن فلفل الوان يتقطع كمان و نقلبهم و بالف هنا 😍
بتشبع جدا و مافهاش سعرات كتير، و دي شكلها 

طريقة 2:

  • ١ خس كابوتشا
  • ٤ صدور دجاج مخليه او بانيه مشويه قليله السمك
  • ٥ عيش توست مقطع مكعبات مقلي او محمص في الفرن
  • جبنه بارميزان مبشوره


الدريسنج:

  • ٢ علبه زبادي ساده
  • ٢ معلقه كبيره مايونيز
  • ملعقه مسترده
  • ١ علبه انشوجه
  • ٢ ملعقه طحينه
  • معلقتين من البرميزان المبشورة
  • ليمونه
  • فص توم مفروم
  • زيت نباتي معلقتين كبار
  • فلفل اسود

الطريقه نتبل الفراخ بزيت زيتون ملح فلفل اسود ببريكا ليمون وروز ماري وملعقه توم مفرومه
جنزبيل بودر نقلبهم مع بعض في طبق
واسيبهم ساعتين
اسخن الجريل مع شويه زيت قليلين وتشوي الفراخ علي الجنبين
وتقطع الفراخ بشكل طولي

طريقة الدريسنج

تخلط جميع المقادير السابق ذكرها في الميكسر او الكبه

يقطع التوست مكعبات ويحمر التوست في الفرن مع قليل من الزيت

يقطع الكابوتشا ويغسل

وأخيرا في طبق التقديم يوضع الخس وبعدين الدجاج وبعد كده الدريسنج ثم التوست والجبنه البارميزان المبشورة

التعليقات متوقفه