فطير محشي نوتيلا و زبدة فول سوداني

275

المقادير:

  • 6كوب دقيق
  • 2معلقه كبيره كاكاو خام
  • كوب ونص لبن
  • نص كوب زيت
  • معلقه كبيره زبده
  • 4 معالق سكر
  • باكيت خميره اختبريه الاول قبل الاستخدام
  • معلقه صغيره ممسوحه ملح
  • 2بياض بيض
  • وفانيليا سايله

طريقة التحضير:

  • ندوب الخميره ف اللبن الدافى مغ السكر وبعدين نضيف البياض وفانيليا سايله الزيت والزبده والملح وندوب تمام نضيف الدقيق ونعجن كويس جدا.
  • نقسم العجينه بالتساوى نسيب الجزء الاول زى مهو ،،ونضيف الكاكاو على الجزء التانى ونعجن كويس عشان الكاكاو يدخل كويس في العجينه ويبقا لونها شيكولاته. نغطيهم ونسيبهم يختمرو.
  • نعمل كل جزء قطعتين يعنى كورتين فانيليا وكورتين شيكولاته ونجهز الحشو على ما يرتاحوا.
  • الحشو المتوفر عندك, يعني ممكن يكون الحشو من النوتيلا وزبدة الفول السودانى البيتى, و ممكن تحشى مربى.
  • نفرد العجينه الفايليا ونسيبها على جنب ونفرد عجينة الشيكولاته.
  • ندهن العجينه البيضا بالمياه بالفرشه وبعدين نحط عليها عجينة الشيكولاته وبعدين الحشو ونساوى الحروف عشان يبقا الشكل مستطيل.
  • نلف رول وبعدين نقطع قطع متساويه وتوضع ف صاج عليه ورق زبده.
  • نخلص الكميه كلها ونغطيها ونسيبها ربع ساعه  و نسخن الفرن.
  • ندهن الوجه بصفار بيضه ومعلقة لبن وفانيليا سايله وندهن بعد متختمر.
  • ندخلها الفرن على درجة 200 ونتابعها ف الفرن.
  • وبعد متخرج ضرورى نغطى بفوطه منديه لازم نعمل كده مع اى مخبوزات عشان تبقا طريه.

التعليقات متوقفه