فتة شاورما فراخ بطريقة OmNia AhmEd

1٬472

التتبيله:

زبادي ونص معلقة توم مفروم فلفل وملح بهارات فراخ رشة جوزة الطيب وقرفه ورشة كمون وكزبره ناشفه وكبابه صيني وورق لوري وحبهان مطحونين وعصير نص لمونه ومعلقة خل ومعلقه زيت.

الطريقه:

ف طاسه سخنه جدا فيها معلقتين زيت ننزل بالفراخ نديها صدمهوما تاخد لون قبل م تستوي نشيلها ف طبق وونزل ببصله مقطعه جوليان رفيعه نحطها دقيقتين وبعدين نحط الفراخ تاني وبعدين نحط قرن فلفل أخضر شرايح وطمطمايه متشال قلبها ومقطعه مكعبات ونقلب تقليبتين ونطفي. ولازم الخضار ميستويش يكون مقرمش.

الأرز بالزعفران:

نحط معلقة سمنه وورق لوري وحبها وقرفه عيدان ومكعب مرقه وبصلايه مقطعه مكعبات صغيره جدااا وبعدين نحط ربع معلقة زعفران ونزود المياه وأما تغلي ننزل بالارز الكميه ال تحبونها..

التوميه:

ندوب معلقتين نشا ف نص كوب ماء وأما يدوب نحطها ع النار لحد م اتقل وبعدين ف الخلاط نص معلقه توم مفروم وملعقتين خل وملعقتين زيت ومعلقة ملح وعلبة زبادي وعليه النشا ال عملناها ونضرب كله
العيش بالدقه:
نسخن زيت ونحط العيش ويتحمر ونكون مجهزين دقه من خل وتوم وكمون وملح ونرشها عليه

التعليقات متوقفه