طريقه عمل المكرونه بشاميل Mohamed Khaled

92

نص كيلو مكرونه و ربع كيلو لحمه مفرومه وبصله مفرومه و حبايتين فلفل الرومي مقطع صغير حبايتين طماطم متقطعه صغير ملح حسب الرغبه ونص معلقه فلفل اسود ربع معلقه صغيره بهارات نص معلقه صغيره كزبره ناشفه ست معالق دقيق ثلاث معالق سمنه و ثلاث معالق زيت وبيضه

الطريقه:

في حله على النار حطي ثلاث معالق زيت وبعد كده انزلي بالبصل المفرومه لحد ما يبقى لونها ذهبي انزلي بالفلفل الرومي واللحمه المفرومه وافضل قلبي فيهم شويه وبعد كده حطي التوابل كلها وطماطم وحطي نص كوبايه ميه وسيبيها لغايه ما تستوى
هنحط حله فيها ميه على النار ونحط فيها شويه ملح و معلقه زيت وبعد ما الميه تغلى هنحط المكرونه و ونسيبها تستوي وبعد كده صفي المكرونه.
في حاله على النار حطي ثلاث معالق سمنه الست معالق الدقيق وافضلي قلبي فيهم لمده دقيقتين وبعد كده انزلي بنص كيلو لبن وحطي نصف معلقه فلفل اسود وملح حسب الرغبه افضلي الليبي فيهم لحد ما يتقل ولو خايفه يكلكع منك ممكن بعد ما تحمر ادقيق تضربيه في الخلاط هو واللبن وبعد كده بترجعي على النار ثاني تفضلي تقلبي فيه لحد ما يتقل وبعد كده في حله حتي المكرونه وشويه من البشاميل وشويه من اللحمه المفرومه وقليبهم وبعد كده ادهني الصينيه شويه سمنه وشويه من البشاميل وبعد كده حطي نص مقدار المكرونه وحطي اللحمه المفرومه وبعد كده حطي بقيت المكرونه وبعد كده حطي البشاميل من فوق الوش وحط البيضه ودخليها الفرن على درجه حراره 180 لمده ساعه الا ربع وبعد كده شغاله شويه لحد ما تحمر
الف هنا وشفا

التعليقات متوقفه