طريقة عمل المندى بالفراخ يطريقة Osama Shaban

680

المقاديــــر :

لتتبيل الفراخ :

فرخة متوسطة مغسولة ومنظفة جيدآ
عصير ليمونة
ربع كوب خل
1 ملعقة صغيرة بابريكا بودر
1 ملعقة صغيرة كزبرة
1 ملعقة كبيرة بهارات فراخ ( ورق غار , حبهان , جوزة طيب )
ملعقة صغيرة اكليل الجبل ( حسب الرغبة )
ربع ملعقة صغيرة قرفة
1 ملعقة كبيرة بصل بودر
1 ملعقة صغيرة ثوم بودر
ملعقة كبيرة زيت

لتتبيل الفراخ :

فى وعاء عميق نخلط جميع التوابل مع الليمون والخل والزيت جيدآ
نحضر فرخة تكون مغسولة ومنظفة جيدآ ونقطعها من عند الصدر عشان تكون مفتوحة زى اللي ف الصورة كده

هنحطها فى التتبيلة وبين الجلد واللحم كويس ونغطيها وندخلها التلاجة مده لا تقل عن 3 ساعات على الاقل

للتسوية :

هنجيب رف شبكى وندهنه بالزيت وبعدين نحط عليه الفرخة بحيث تكون ناحية العظم لتحت

وهنحط صينية تحتها فيها كوب ماء

الفرخة دى كبيرة عشان كده خدت معايا 4 ساعات ف الاحسن هاتيها اصغر من كده

لتحضير الارز :

4 كوب ارز بسمتى
مكعبين زبدة
ملعقة صغيرة زيت
ملح
فلفل اسود
بابريكا
مكعب مرقة
8 كوب ماء مغلى
مكسرات للتزيين

لتحضيره :

هنغسل الارز وبعدها نصفيه

هنجيب صينية بيركس كبيرة او صينية تيفال وهنحطها على النار ونحط فيها زبدة الزيت وبعدها الارز ونقلبه وبعدها التوابل والمرقة
وبعدين الماء المغلي واول ما تغلى وتبتدى يتشرب الماء
هنغطيه بورق فويل ونخرمه بسكينة ونحطه فى الفرن عشان يكمل سواه ف الفرن تحت الفراخ والصوص اللي نازل من الفراخ ف الصينية التانية هنحطه على الأرز

هنسيبه لحد مايستوى وكل وقت نكشف الارز ونقلبه

وبعد ما الارز يستوى والفراخ

هنجيب فحمة ونسخنها على النار حتى يحمر لونها وتسخن جيدآ ومكعب زبدة وورقة فويل ونكشف الصينية بتاعت الارز ونعمل حفرة صغيرة ونحط فيها الورق الفويل وعليها الفحمة السخنة ونحط عليه الزبدة ونسيبها ونقفل الفرن عشان النكهة تبقي ف الفراخ والأرز

وتقدم كما فى الصورة وعليها المكسرات

وبالهنا والشفا

 

التعليقات متوقفه