البطاطس المحشيه لحمه مفرومه بطريقة Aliaa ElTelemy

294

الطريقة:

الاول هنجيب بطاطس تكون متوسطه الحجم ونقشرها ونغسلها غسله تمام كده وبعدين اول حاجه نعملها نشيل حته منها من تحت عشان نسويها ونعملها قاعده عشان نعرف نوقفها في الصنيه ومتملش وبعدين نقورها من الناحيه التانيه وبراحه عشان متتخرمش وتكون مش تخينه اوى عشان تستوى ولا رفيعه اوى عشان تشيل الحشو متوسطه وحلوه كده ونسيبها في ميه عما نحمرها في زيت هنديها لون دهبي حلو كده زى اللى في الصوره وبعديها تحمرى القلب اللى احنا قورناه عشان هنحتاجه مش هنرميه.ثانيا اللحمه المفرومه هنعصجها عادى جدا بصله وفلفلايه متقطع صغير او مفروم ونحطها في الحله مع معلقه سمنه لغايت اما يدبلوا ننزل باللحمه واول اما تاخد لون نحط عليها طمطمايه مبشوره ومعلقه صلصه صغيره بتدى طعم حلو وملح وفلفل وتوابل لحمه وبس لما تندمج مع بعضها تطفى عليها.

ثالثا الطماطم طماطم عادى معصوره في الخلاط ومتصفيه هنحط ثلاث فصوص توم ولما يصفروا ننزل عليهم بالطماطم المعصوره ولما تتسبك نحط ملح وفلفل ونص معلقه توابل لحمه ونزودها كوبايه ميه عشان عاوزين الصوص سايل شويه ولما يغلي غلوتين تطفي عنها وهى عموما مش بتحتاج طماطم كتير.
وبعدين نحط القلب المتقور اللى احنا محمرينه مع معلقه لحمه مفرومه ونفرده في الصنيه وبعدين نحشي البطاطس ونوقفها عليها واما تحشي البطاطس كلها حطى الصوص بقي على كل بطسطايه وفي الارضيه بقي وتدخل على فرن سخن على درجه حراره متوسطه لغايه اما تستوى ابقي اختبريها بشوكه عشان تتاكدى من تسويتها

ملحوظه
لقدر الله لو البطسطايه اتخرمت منك وانتى بتقوريها متياسيش بعد اما تحمريها خودى حته من القلب المتحمر وحطيها على الخرم من جوه مش هتبان وهتتحشي عادى جدا اى خدمه
تعديل ..
بعد اما تستوى لو لقتيها لسه مش خدت لون حطيها دقيقه بالظبط تحت الشوايه

التعليقات متوقفه