وصفة الأرز المدخن باللحم
المقادير:
- كوب ونص رز بسمتي
- 2 جزر مبشور
- 2 بصلة متقطعة شرايح
- 3 فصوص توم شرايح
- 1 طماطم مكعبات
- ربع كوب زبيب
- نص كوب مكسرات وزبيب محمرة
- مكعب مرقة
- 3 كوب ماء مغلي
- معلقة كبيرة ملح
- نص معلقة صغيرة كمون
- نص معلقة صفيرة بابريكا
- نص ملعقة صغيرة كركم
- ربع معلقة صغيرة فلفل اسود
- نص معلقة صغيرة كزبرة ناشفة
- عود قرفة
- 3 قرنفل
- 2 ورق لورا
- 2 حبهان
- ربع معلقة صغيرة بودرة زعفران متدوبة في معلقتين كبار مية
- نص كيلو لحمة قطع
الطريقة:
اتبل اللحمة كويس بالتوابل المطحونة..وفي حلة ع النار احط سمنة وزيت واشوح اللحمة لحد ما توصل للون الدهبي..وانزل التوم ومكعب مرق والبصل والطماطم..ومية مغلية لحد ما تطغي اللحمة..تاخد غلوة ونوطي النار لحد ما تستوي…
الرز..نحط في حلة 3 كوب ماء مغلي ومعلقة صغيرة ملح والقرفة والحبهان وورق اللورا والقرنفل وننزل الرز يا خد غلوة و نوطي النار ولما يبدا يتشرب نطفي النار ونصفيه من المية..ونحتفظ بالمية منرمهاش..
نصفي الشوربة ونسيب اللحمة في الحلة ونحط نص كبشة شوربة والجزر المبشور .. ونحط فوقها الرز المسلوق نص سلقة والمية بتاعته (ونقلل منها نفس مقدار الشوربة اللي ضفته) .. وبودرة الزعفران المتدوبة فالمية والزبيب ونوطي النار خالص ونسيبهم من نص ساعة لساعة الا ربع لحد ما نعمل حفرة في نص الرز ونلاقيه اتشرب المية..اول ما يستوي نولع فحمة وعليها سمنة ونقفل الحلة عشان الرز ياخد ريحة الفحم ويكون مدخن..بعدين نغرفه ونحط المكسرات والزبيب المتحمر ع الوش..الف هنا.
Esraa Yahya
التعليقات متوقفه