طريقة عمل كفتة مشوية و رز بسمتي بطريقة DǾdý ElAĥlẫwýẫ

1٬413

الكفته المشويه:

كيلو لحمه مفرومه فيها نسبه دهن

بصلتين كبار مفرومين كويس ومتصفيين من ميتهم هنستخدم تفل البصل بس والمايه نضيفلها معلقه صلصه ورشه ملح وفلفل وندهن بيها الكفته وهي بتتشوي

ملح وفلفل ومعلقه بيكينج باودر هتخليها ماتكشش

معلقه صغيره بهارات لحمه ونعصج اللحمه مع بعض وتتساب في التلاجه شويه

تتصبع علي عيدان خشب وتتشوي اما علي الشوايه او علي سلك الفرن بس يبقي تحتها صينيه عشان الدهون اللي هتنزل منها وندهن الكفته كل شويه بمايه البصل عشان تفضل طريه وماتنشفش.

الرز البسمتي:

هنشوح في حله عالنار بصله صغيره مفرومه معاها حبهان وقرنفل وقرفه وورق لورا ومكعب مرقة وكركم.

ننزل عليهم بكوبايتين رز كانوا منقعوين نص ساعه ونقلب.

بعدين المياه المغليه, الارز بياخد تقريبا ضعف كميه الرز يعني ٤كوبايات ونضيف الملح والفلفل ونسيبه يغلي علي نار عاليه لحد المايه ماتتشرب نوطي خالص ونغطيه لحد مايستوي

الخضار السوتيه:

كوسه وجزر وبطاطس وبسله ونزلتهم في مايه مغليه ١٠ دقايق يبقي نص سوا.

ننزلهم تحت مياه بس عشان يبردوا.

نجيب طاسه و نجط فيها معلقه كبيره زبده وفص توم وزعتر وروزماري ومشروم ودره مسلوقه لو موجوده و ننزل الخضار عليه يتشوح و نحط رشه ملح وفلفل وكزبره ناشفه وتوم وبصل باودر وممكن رشه بسيطه سبع بهارات ونسيبه يتشوح كويس مع بعضه.

التعليقات متوقفه