رول الفراخ المحشيه بالمسطردة بطريقة @kitchenebtehal | طرق طبخ

626

المقادير:

  • اوراك مخليه من العضم والجلد
  • مسطرده (ع حسب كميه الأوراك/معلقه كبيره لكل قطعه)
  • شرائح جبنه شيدر
  • شرائح روز بيف(ممكن استبداله بلانشون )
  • معلقه صغيرة من :ملح /فلفل اسمر /بهارات فراخ /شطه (حسب الرغبه )

الطريقه:

ع بلانشة او طبق مفرود هانفرد الأوراك ونكون مبططنها ومخلينها رقيقه زى البوفتيك. هانتبلها بالتوابل إللى قولتها فوق من الوشين. وبعد كدا نحط معلقه مسطرده ف الوش الداخلى للفراخ ونوزعه كويس ونحط عليه شريحه جبنه وشريحه روز بيف ونلفها رول (منطقه الجلد هى الخارجيه ) ونقفلها بخيط او خله ..ونلفها ف كيس او استرتش وندخلها الفريزر نص ساعه تجمد.
في طاسه هانحط معلقتين سمن ع معلقتين زيت ولما يسخن نطلع الفراخ من الفريزر ونفك الاسترتش من عليها ونغلفها بالمسطرده ونحطها ف الطاسه على طول واول ما تاخد صدمه جامده نوطى النار عشان تستوى من جوه ونقلب لحد ما كلها تبقى لون واحد .ونطلعها تبرد خالص..ممكن تتقدم كدا رول سليم او تقطع قطع(تقطع بعد ما تبرد تماما ). والف صحه وهنا

التعليقات متوقفه