الفراخ المشوية الصحية بطريقه @maimasoudofficialGrilled | وصفات دايت | أكل صحي

1٬000

التتبيلة:

  • معلقة كبيرة ملح
  • معلقة صغيرة فلفل اسود
  • معلقه كبيره كزبره ناشفه
  • معلقه كبيره زعتر
  • 2 معلقة بابريكا
  • معلقه بهارات فراخ
  • صويا صوص
  • معلقة كبيرة بصل باودر
  • معلقة كبيره ثوم بودر
  • معلقة شطة صغيرة
  • ربع معلقة صغيرة كركم
  • ربع قرفه وثوم مفروم

الطريقة:

1. هتبل الفراخ قبل ما أشويها بيوم عشان تبات في التتبيله هتبل الفراخ بالتتبيلة. في الكبه هحط المكونات دي وأصفيها ( ٢ طماطم + ١ بصله كبيره + ١ فلفل أخضر ) + كوبايه زبادي + خليط صوصات ( نص كوبايه زيت + ربع كوبايه خل + ربع معلقه من هريسه شطة هاينز + معلقتين كاتشب+دبس الرمان +ورشيستر صوص +صويا صوص) +عصير ليمونتين وأخلط كل دول مع بعض كويس .

2.أفتح مابين الجلد واللحم وأعمل شقوق بالسكينة في الفرخة وأتبلها كويس بالتتبيله جوه وبره الفرخة وتحت الجلد وأدهن كمان زبده تحت الجلد ونغطيها بأسترتش رول وأسبيها في التتبيله ليله كامله أو أقل حاجة ٤ ساعات في التلاجه .

3.هقطع أي خضار حباه بس تقطيعة سميكه شوية ( بصل حلقات،بطاطس،كوسة،بسلة،جزر، روز ماري وزعتر فريش ) وأحطهم ف الصينية وعليهم الفرخه وأدهنها زبده بتديها لون حلو وانا حطيت الفرخة علي الحامل عشان تستوي كويس من كل الجوانب .

4.هشغل الفرن من تحت علي درجة حرارة ٢٠٠ وأدخل الفرخة وأضيفلها نص كوبايه ميه لو حسيتها محتاجه بس هي مش هتحتاج بسبب التتبيله وأسيبها ساعه علي الاقل أو ساعه ونص عشان تستوي وأتابعاها لو محتاجه سوا أكتر (كل تلت ساعه بدهن الفرخه بالتتبيله).

5.قبل ما تستوي الفراخ هشوح المشروم والبروكلي ف طاسه وأضيفهم علي الخضار مضيفتوش ف الاول عشان يفضلوا محافظين علي لونهم وميتهروش.

6.بعد ما الفراخ تكون أستوت خالص هفتح الشواية عشان تاخد لون حلو .
وبالهنا والشفا

التعليقات متوقفه